{"product_id":"kovara-vate-80","title":"Kovara Vate 80","description":"\u003ch2 data-start=\"59\" data-end=\"416\"\u003eKovara Vate 80\u003c\/h2\u003e\r\n\u003cstrong\u003eWendoxê Delal\u003c\/strong\u003e\r\n\r\n\u003cstrong\u003eHûmara yewine ya kovara Vateyî hamnanê 1997î de neşr bî.\u003c\/strong\u003e Ma nika hamnanê \u003cstrong\u003e2024î\u003c\/strong\u003e de yê û hûmara \u003cstrong\u003e80.\u003c\/strong\u003e ya kovara Vateyî destê şima de ya. Yanî \u003cstrong\u003ekovara Vateyî kutekut 27 serrî\u003c\/strong\u003e yo ke weşanê xo bêmabên domnena. Çi heyf ke weşangerîya kurdan de weşanê wina emrdergî zaf kêm ê. Kovara Vateyî înan ra yew a. Bêguman keda gelek kesan na emrdergîya kovare de est a. Verê verkan ma wendox û nuştoxan rê sipas kenê. Labelê gelek hetkar û sînayoxê kovara ma zî est ê;  keyeyê înan hemîne awan bo ke ê wayîrîya kovara xo kenê.\r\n\r\nWendoxê delalî,\r\n\r\nSemedê \u003cstrong\u003eserrgêra 27. ya kovare ra\u003c\/strong\u003e, ma wazenê biney behsê nuştoxanê kovare zî bikê: Nê 80 hûmaranê kovare de nuşteyê \u003cstrong\u003e314 nuştoxan\u003c\/strong\u003e ca gênê. \u003cstrong\u003eNê nuştoxan ra 40 hebî cinî yê.\u003c\/strong\u003e Nisbetê nuşteyanê tayê nuştoxanê ma zî wina yo: Nê 80 hûmaranê kovare de, 99 kesan 2 ra heta 5 hûmaran de, 31 kesan 5 ra heta 10 hûmaran de, 22 kesan 10 ra  heta 20 hûmaran de, 9 kesan zî 20 yan zî hîna zaf hûmaran de nuşto. Eserê 40 nuştoxan zî ameyê açarnayene.\r\n\r\nWendoxê delalî,\r\n\r\n\u003cstrong\u003eNuştox û weşanger Deniz Gunduzî serra 2003 de Weşanxaneyê Vateyî awan kerd.\u003c\/strong\u003e Weşanxaneyî heta nika \u003cstrong\u003e138 kitabî \u003c\/strong\u003eweşanay, înan ra 111 kitabî kirmanckî yê. Nê çend serranê peyênan de weşanxaneyî zaf tay kitabî neşr kerdê. La payîzê 2023 ra pey Weşanxaneyê Vateyî, new aşman de \u003cstrong\u003e17 kitabî\u003c\/strong\u003e weşanay. Nê kitaban ra \u003cstrong\u003e16 hebî\u003c\/strong\u003e kirmanckî yê. Înan ra şeş kitabê şîîran, hîrê hebî bîyografî, hîrê hebî tezî, yew nuşteyê gêrayîşî, yew roman, yew hîkaye, yew arêkerdişê folklorî û yew zî kitabê rastnuştişî yo. Demêk hende kilmî de neşrkerdişê 17 kitaban asan nîyo. Ma xebatkaranê weşanxaneyî pîroz kenê. Ma pêro zanê ke kirmanckî bi nuştiş aver şona. Seba ke eserî nuştekî bêrê weşanayene û vilabîyene, weşanxaneyî lazim ê. Ewro eke ma wazenê kirmanckîya ma ya nuştekî hîna xurt biba, wendox û nuştoxê ma hîna zêde bibi, ma ganî destek bidê weşanxaneyê Vateyî ke kitabê kirmanckî bêrê weşanayene, vilabîyene û wendene.\r\n\r\nWendoxê delalî,\r\n\r\nKombîyayîşê Hîris û Heştinî yê Grûba Xebate ya Vateyî mabênê tarîxanê \u003cstrong\u003e21.06.2024- 24.06.2024î\u003c\/strong\u003e de, Dîyarbekir de bi. Nuşteyê verên yê na hûmare çekuyê nê kombîyayîşî yê. Dima şima xebata M. Malmîsanijî ya Etimoloji-XIî wanenê. Nadîre Guntaş Aldatmaz kitabê Veysel Yildizhanî dayo naskerdene. Şukrî Derîn bi nuşteyanê xo yê bîyografîkan na hûmare de zî ma reyra yo. Akman Gedîkî gêrayîşê xo yê Kurdistanê Vakurî ser o nuşto. Efsaneya Pepûkî ser o yew nuşteyê Muzaffer Bahçivanî ra teber, hîrê nuşteyê folklorîkî zî na hûmare de est ê.  Îdris Yazarî yew şîîra Turgut Uyarî açarnaya, şîîra bîne Îsmet Borî nuşta.\r\n\r\n \r\n\r\nSeba heme berhemanê \u003cstrong\u003eWeşanxaneyê Vateyî \u003c\/strong\u003e\u003ca href=\"https:\/\/backup.makpirtuk.de\/wesanxane\/vate-yayinevi\/\"\u003etîya bitikêni\u003c\/a\u003e\r\n\u003cp data-start=\"1290\" data-end=\"1457\"\u003e\u003c\/p\u003e","brand":"Makpirtuk","offers":[{"title":"Default Title","offer_id":61204232307018,"sku":"SPAVATE0153","price":11.92,"currency_code":"EUR","in_stock":true}],"thumbnail_url":"\/\/cdn.shopify.com\/s\/files\/1\/0968\/0289\/8250\/files\/vate80.jpg?v=1772140586","url":"https:\/\/admin.makpirtuk.de\/products\/kovara-vate-80","provider":"Makpirtuk","version":"1.0","type":"link"}